離巢無綫受盡挫折 阮兒最終愛．回家

曾於2006年參選港姐的阮兒（Chloe）憑着一身古銅色肌膚，再加上33.5C驕人身材及陽光面孔，輕易成為新一代女神。於荷蘭成長的Chloe，不甘生活平淡，早在18歲「卜卜脆」階段選擇參選香港小姐，雖然過程中沒有得到任何獎項，但卻能滿足其好奇心，落選後的她沒有返家鄉荷蘭，反而加入無綫藝員訓練班，一嘗當演員滋味。

力不從心

於短短半年的訓練班課程，頭三個月每日過着早10晚6的學生生活，當中讓Chloe最有得着的並非演技，而是與同學建立了真正的友誼，她謂：「開頭唔係鍾意演戲，細個覺得有嘢學同玩咪試吓囉！但去到20幾歲時，就覺得要努力啲，玩嘅心態轉變成真係想當係職業，但愈做愈難，同以前想像唔一樣。」久而久之，令Chloe發現事事力不從心，事業不順利，又不知道自己想做甚麼，不時反問自己差在哪裏，故毅然決定離開無綫。

跳出無綫的Chloe轉戰當跳唱歌手，惟過了兩年歌手生涯便因公司結業而結束，此舉亦令Chloe發現機會很難得到，她說：「原來無綫係咁好，但以前會覺得冇機會又學唔到嘢，出走之後先知樹大好遮蔭，咁咪邊度跌到邊度起番身，從後就對每樣嘢好認真，依家仲鍾意埋添！」

感激觀眾接受

談到《愛．回家》的演出，阮兒直言很難忘，她謂：「好多謝套劇，拍咗有兩年，中途加入，觀眾都接受，出街會叫我劇入面名，之後拍《殭》都好好，以前曾經去荷蘭讀書，今次去荷蘭工作，可能因為原因唔同咗，有衣錦還鄉嘅感覺。」

荷蘭妹阮兒挑戰肚皮舞 扭動迷人蛇腰！

最強娛樂資訊App《東網巨星》推出全新娛樂節目《東網Baby大作戰》，每集邀請唔同女星喺節目內接受挑戰，實行集娛樂同刺激於一身！今集請嚟憑住長壽劇《愛‧回家》中「Pinky」一角入晒屋嘅荷蘭妹阮兒（Chloe），喪扭喪揈晒蛇腰跳肚皮舞！

原來Chloe係第一次跳肚皮舞，佢換上bra top大晒弗爆身型，又喺專業肚皮舞導師Becky指導下留心上堂。首先，Chloe先做做熱身，warm up後Chloe開始學習基本動作，本身有舞蹈底嘅她極速上手，Becky同對她讚不絕口，仲認定佢係「高徒」呀！喺15分鐘速學之後，Chloe喺Becky鼓勵之下，show off一part獨舞！Chloe施展渾身解數，係咁扭呀扭，Becky都相當滿意，係咁點頭！

受訪時，Becky大讚Chloe係可造之才：「佢好有talent，好快pick up，好energetic好適合跳肚皮舞，今日我畀佢100分！而我多數揀啲歌都係開心嘅歌，容易啲pick up，都係用一個輕快嘅心情去跳。」Chloe都話好興奮：「好刺激呀開頭成日跟唔到！好多嘢望落好易，實際上其實好難，表演就唔敢講，我諗我要上多好多堂先得，但本身我自己好鍾意跳舞，係另一個方法去抒發壓力。」

－Profile－

姓名：阮兒（Chloe）

花名：荷蘭妹

年齡：28歲

身高：1米65

三圍：33.5C、24、34

簡歷：Chloe是在荷蘭土生土長的中越混血兒，落選2006年港姐競選後簽約無綫，曾加入五人女團闖樂壇，之後於2012年底暫別娛樂圈。她前年回巢後參演多部無綫劇集，近期憑住《愛．回家》中「Pinky」一角漸為人熟識。

Yuen Yee wallpapers

 

《愛‧回家》大「C」級阮兒咬橙皮練發音

憑無綫劇《愛‧回家》角色Pinky成功彈出、擁有33.5C好身材的藝人阮兒（Chloe）無懼陽光猛烈，在沙灘大「曬」完美身段，以健康性感引得泳客不時偷望！自2006年度香港小姐競選後便不停裝備自己，阮兒最近就隨無綫新劇《殭》劇組到荷蘭拍外景，回到出生地衣錦還鄉的她，更代表無綫到當地三間電視台受訪：「行出街嘅時候，好多荷蘭嘅市民都認得我哋，知我哋拍緊咩！」

作東道主帶劇組覓食

問Chloe有否以東道主身份帶隊做導遊？她坦言有帶劇組到處尋覓美食：「同埋有一日好特別，嗰日就係King's Day（國王日），個個人都着晒橙色衫，無論係喺屋企定係出街都着橙色。做嘢時候撞正King's Day真係好難得！」除了無綫幕前工作，Chloe更在網上開設短片頻道，上傳自彈自唱影片，並誓言要做音樂才女：「我一年前係完全唔識彈琴，都係自學學返嚟，唱歌都係啱啱學，喺香港住自己一個人喺屋企嘅時間比較多，令我培養到好多種興趣。」

睇電視苦練廣東話

雖然Chloe是中越混血兒，加上從荷蘭土生土長，但她的廣東話卻非常流利，原來她下了不少苦功：「以前返香港唔識睇中文，但依家識睇雜誌，報紙都有六、七個字睇得明。試過咬住橙皮同咬住麵包練廣東話，又會邊睇電視邊讀對白，同埋我唔想自己有太多『Actually』、『Well』嗰啲，盡量都想用返廣東話。」

現時單身的阮兒，談到理想對象就立刻雙眼發光，更指最緊要有feel：「同埋要對我媽咪好，以前就覺得要高大靚仔，依家就知道靚仔冇本心，冇安全感！」

----------

Profile

姓名：阮兒

年齡：27歲

身高：1米65

三圍：33.5C、24、34

阮兒「愛」入屋 恨戀孝順男

前港姐阮兒（Chloe）捱足九年，終於憑《愛‧回家》角色「Pinky」入屋，快踏入第一個十年，她揚言要愈做愈好。單身的她擇偶條件相當明確，拒為靚仔傾情，最緊要愛屋及烏夠孝順！

又名「荷蘭妹」的前港姐阮兒（Chloe），自細於荷蘭長大，2006年回港後因想找工作才選美，之後又被發掘唱跳潛能，與其他幾位少女組成女子組合：「之後就自然入咗行，喺無綫四年。巧合地有機會畀我唱歌跳舞，入咗支女子組合，但嗰間公司唔想再搞娛樂嘅嘢，於是解散咗。」

至今捱足九年，Chloe坦言全因自己唔輸得的性格：「做咩都好，開始咗就唔放棄，嘥咗咁多年青春，我唔想再浪費！上年年頭有機會返無綫拍《愛‧回家》，入行咁耐未試過有個咁重要嘅角色，咁多對白畀我發揮，真係好感恩！」

學識調節心情

Chloe更感激劇中「馬家」對她的照顧及教導，令她進步良多，由初初緊張手震到現在學識調節心情：「初初好緊張，好驚做錯，每個機會我都覺得係最後一個，所以好想做到最好，但係愈緊張就愈做唔好，慢慢學識點放鬆。依家出街有人認得，仲開口叫我Pinky，開心觀眾認同我嘅努力！」她坦言想嘗試不同角色，目標更是攞獎。仍是單身的Chloe也直言想盡快找到真命天子：「最緊要係對我好同對家人好！」

阮兒奮鬥三年求突破

06年落選港姐阮兒最近忙於為新劇《刑警》開工，劇中她飾演一名記者，與宣萱有不少對手戲，她說：「聽人講宣萱幾惡，但我完全唔覺得，佢份人好nice，仲經常教新人嘢，大家好啱傾。」阮兒曾經在荷蘭讀過首飾設計，為參加選美而放棄學業，她自言不覺可惜：「我依家22歲，都有set目標，如果25歲都冇突破，就會返去讀書。」

聖誕節將至，單身的阮兒透露身邊不乏追求者：「我要慢慢揀，希望搵個錫我同可以照顧我嘅男朋友，最好仲識得浪漫添！」

曾獲獎項與提名

年份	獎項	結果
2016年	萬千星輝頒獎典禮2016「最受歡迎劇集搭檔」	提名